掃墓防疫有五步 撰稿、指導：五堵國小林宜玲老師
https://www.youtube.com/watch?v=GyrKmv-RssQ&feature=youtu.be
愷愷、屁點：（背了大包包）
臭妹、蠓子：愷愷～恁欲去佗位？
愷愷、屁點：阮欲佮阮阿爸 阿母開車去掃墓啦！
佑佑：掃墓會用得冗早幾工仔，抑是晏幾工仔，莫佮人相𤲍、上好是坐公車。
臭妹、蠓子：揹遮濟物仔，袂輸欲去野餐咧！
愷愷、屁點： 是啊！阮叔伯兄弟姊妹攏會去 ，順绁佇邊仔遐食食咧。
臭妹、蠓仔：蛤！恁毋知影這馬什物時陣喔？
佑佑 ：人愈濟，予人感染的機會愈濟。
臭妹、蠓仔： 上好一戶去一个人就好矣…。而且莫入去塔內面拜拜。
佑佑：著！愛共祭拜的物仔，排佇外口祭拜。 哇，有龍蝦呢。我上愛泡 茶啦，有雞腿呢。有我上愛食的雞卵糕呢。這是我的餅哦。
臭妹、蠓仔：掃墓防疫有五步
佑佑、臭妹、蠓仔、愷愷、屁點：RAP
《掃墓防疫有五步 予你袂窒車、人袂挨𤲍、身體健康保平安
1、掃墓無愛人𤲍人， 冗早幾工、 緩幾工攏誠好。
2、發燒畏寒、四肢無力、嚨喉咳嗽、喘氣袂順；毋通出門去掃墓。
3、祭拜香案，排佇塔佮堂的門口埕，毋通排室內。
4、人若濟，感染機會變較濟，上好一戶一人代表去。
5、雙手酒精來消毒。
【掃墓防疫五步有做好，咱就無煩惱啊無煩惱。】
【祖先有保庇，逐家平安閣順序。】